悠閒工作天

雖然係星期日，但係我地D做社會服務行業o既，
有program都係要返工o既.....
但係今日都好悠閒下 ~~ hahahaha

今日帶o左幾個青少年去星光大道訪問遊客~~
由於尋日落完雨，今日天氣幾好，
一陣陣海風吹過，好不舒服 !!!!!

班學生係第一次訪問外國人，所以緊張同埋"坳底"，
Hahahaha ~~ 幾得意 !!!!
不過當然佢地最後都成功做到訪問啦 ~~
(佢地係有能力，但係缺乏練習機會同信心)
仲好快完成添~~ (總之印多D問卷俾佢地......)

問返佢地感受，佢地覺得 "law"，
一來俾人拒絕，唔知點啦，
二來係份question set 得唔好，問唔到D乜。
所以就唔肯再繼續做多幾個訪問~~
我都預o左 ~~ haha ~~ 不過想佢地自己發現個問題o者 ~~

不過好特別，有兩個學生經過今次活動之後，
話自己D英文唔好，覺得自己映衰香港。
佢地覺得更有需要去學好D英文 !!!
聽到都幾開心 ~~ 雖然令到佢地有錯敗感，
但係起碼我個活動可以提升佢地o既動力去學好英文!!!
都有D成功感 ~~ 唔錯~~ 唔錯 ~~~